Zbardhen detaje të reja rreth rrethanave të aksidentit që la të plagosur rëndë aktorin Jeremy Renner.
Sipas TMZ, borëpastrimi i aktorit për të pastruar një shteg jashtë shtëpisë së tij në Liqenin Tahoe, e cila ishte bllokuar për shkak të reshjeve të mëdha të borës, rrafshoi njërën nga këmbët e tij, sipas TMZ. Menjëherë në vendngjarje ka shkuar një fqinj, me profesion mjek, i cili ka tentuar të kujdeset për plagën e tij në vend.
Shikoni videon e transportit të tij me avion në spital
Aktori i Marvel u transportua me helikopter në spital të dielën, ku ndodhet në gjendje kritike, por të qëndrueshme.
View this post on Instagram
Sipas të njëjtave informacione, ai ka humbur një sasi të konsiderueshme gjaku nga lëndimi i tij. Madje, një burim i afërt me aktorin ka thënë për TMZ se lëndimet e tij janë “të shumta” pasi përveç këmbës i janë lënduar edhe pjesë të tjera të trupit.
Më herët përfaqësuesi i aktorit u përpoq të nënvlerësonte dëmtimin e tij duke e cilësuar thjesht si një “aksident moti gjatë borës”, por informacionet që transmetojnë mediat e huaja janë se lëndimi është i rëndë.
View this post on Instagram
Sipas përfaqësuesit të aktorit, ylli i “The Mayor of Kingstown” po “merr kujdes të shkëlqyer mjekësor” dhe familja e tij është gjithmonë me të.
Renner, i cili ka një vajzë nëntë vjeçare Ava me ish-gruan Sunny Pacheco, zotëron një numër borëpastruese që i përdor për të pastruar hyrjen madhështore të shtëpisë së tij, si dhe rrugë dhe shtigje në zonë. Aktori i Hawkeye është shumë aktiv në rrjetet sociale dhe shpesh poston për kushtet ekstreme të motit që godasin zonën ku ai jeton.
Jeremy Renner suffered ‘extensive’ injuries when snowplow ran over leg https://t.co/K4sP1AP3OL pic.twitter.com/DDkcOP6MVf
— New York Post (@nypost) January 2, 2023
Ferma e aktorit hollivudian ndodhet në një zonë të thellë malore dhe bora kishte mbuluar makinat e tij dhe madje kishte arritur në dritaret e katit të parë.
Fansat e tij thanë se po luten për të dhe po dërgojnë urime për një shërim të shpejtë.
Lajmi për plagosjen e Renner vjen teksa dhjetëra persona kanë humbur jetën në shumë pjesë të SHBA-së për shkak të stuhisë së fortë të borës.